მისია, ღირებულებები

რეკრუტინგულ საკონსულტაციო კომპანია HR4 Business 2018 წელს დაარსდა და მას შემდეგ წარმატებით ემსახურება როგორც ადგილობრივ, ასევე საერთაშორისო კომპანიებსა და კანდიდატებს.

ჩვენი მიზანი არის ხელი შევუწყოთ კომპანიებს მათი სტრატეგიის განხორციელებაში საუკეთესო ტალენტების მოზიდვითა და ადამიანური რესურსების სწორი მართვით.

ჩვენ გვჯერა, რომ HR სფეროში მაღალი სტანდარტების დანერგვა გააუმჯობესებს საქართველოში სამუშაო გარემოს, რომ წარმატებული ბიზნესი და წარმატებული პროფესიონალი ერთად განავითარებს ქვეყნის ეკონომიკას და დროთა განმავლობაში აამაღლებს საქართველოში ბედნიერების ხარისხს.

ამიტომ ჩვენ ასევე მიზნად ვისახავთ HR პროფესიონალების პროფესიულ განვითარებას და ვთავაზობთ სასერტიფიკატო ტრენინგებს.

ჩვენი მრავალწლიანი დაკვირვებით, მაღალ პოზიციებზე მომუშავე პროფესიონალებსაც სჭირდებათ პროფესიული კონსულტაცია და სპეციალური მომზადება გასაუბრებისთვის. ამიტომ შევქმენით ახალი სერვისი – ინდივიდუალური ქოუჩ სესია.